కాకి - ఎద్దు కథ

అనగనగా ఓ కాకి, అది పగలంతా ఆహారం కోసం తిరిగి సాయంకాలం తన గూటికొచ్చేది.

అదే సమయానికి ఓ రైతు వద్ద ఉన్న ఎద్దు కూడా పొలం దున్నిన బడలికతో పశువులపాక ముందు

గడ్డిని నెమరువేస్తుండేది.

రెండూ కలసి కష్టసుఖాలు కలబోసుకునేవి.

ఓ రోజు ఎద్దును చూసి కాకి' మిత్రమా! నువ్వెంత వెర్రిదానివి! ఆ రైతు చూడు.

నీ మెడపై కాడిని ఉంచి పగలంతా చాకిరీ చేయించుకుని సాయంత్రానికి నాలుగు గడ్డిపరకలు ,

కాస్త కుడితి నీ ముఖాన పడేసి చేతులు దులుపుకుంటున్నాడు.

నువ్వేమో దానికే పొంగిపోయి, ఒళ్ళంతా హూనం చేసుకుంటున్నావు, నీ గిట్టలన్నీ అరిగిపోయాయి,

మెడ ఒరుసుకుపోయి మచ్చలు పడ్డాయి', అదే నేను చూడు ! నాకు నచ్చిన ఆహారం కనిపిచగానే

టక్కున ముక్కున కరుచుకుపోతాను, అది ఎవరిదైనా లెక్కపెట్టను,అందులో ఎంత మజా ఉందో

నీకేం తెలుసు ! చౌర్యం ఒక కళ.

అది ఎంత సంతోషం కలిగిస్తుందో నీకు తెలుసా! ఇకనైనా నిజం గ్రహించు! నీ బంధనాలు

తెంచుకో! పచ్చికబయళ్ళలొ హాయిగా స్వేచ్ఛగా విహరించు అంటూ హితోపదేశం చేసింది.

అంతా విన్న ఎద్దు " మిత్రమా ! నివనుకుంటున్నట్టు నేనేమి విచారంగా లేను.

నాకష్టంతో ఓ ఒక రైతు కుటుంబానికి సేవ చేయడమే గాక ఎంతో మంది ప్రజలకు ఆకలి

తీరుస్తున్నాననే సంతృప్తి ఉంది.

అది నాకు సంతోషాన్ని బలాన్ని ఇస్తోంది.

కాబట్టి నీ సలహాను పాటించలేకపోతున్నందుకు క్షమించు, అని తాపీగా చెప్పింది.

ఆ మాటలతో కాకికి కళ్ళు తెరుచుకున్నాయి. తన ప్రవర్తనను మార్చుకోవాలని నిర్ణయించుకుంది.

కాకి, ఎద్దుల అభిప్రాయాలలో ఎంత తేడా ఉంటుందో అవి స్నేహితులే అయినా!

కాకికి కళ్ళు తెరుచుకున్నాయి. తన ప్రవర్తనను మార్చుకోవాలని నిర్ణయించుకుంది.

Pages